Link açıqlığı

Qırımda avdarılğan tank sebebinden naqliyat areketi toqtatıldı, bir qaç yol qazası yüz berdi


Qırımda cuma künü, iyül 10-da, Aqmescit-Yalta yolunda tanknıñ avdarılğanı neticesinde bozulğan yol areketini öyle de tiklep olamadılar.

Qırım Naqliyat naziri Andrey Bezsalov aytqanı kibi, «Krımtrolleybus» Aluşta yönelişinde areketni tikledi, şimdi Aqmescit yolağı ile oğraşa. Onıñ sözlerine köre, Aluştadan Aqmescitke taba yol qısmında zarar daa da büyüktir, – haber ete Krıminform.

«Qırımlı ve yarımada musafirlerini sabır etip, tıqanıqlıqnı ayat telükesi ile aydap keçmemek çağıralar», – dey o.

Malüm olğanı kibi, tıqanıqlıq ve qaza yerini aydap keçmege istegen aydavcılardan sebep endi daa bir qaç qaza yüz berdi. Şu cümleden, «Gazel» maşinası yol qazasına oğrap, özenge tüşti.

Qırımda cuma künü, iyül 10-da, Aqmescit-Yalta yolunda, Perevalnoye köyü yanında, tank avdarıldı.

XS
SM
MD
LG