Link açıqlığı

Kiyevde Ava kitaphanesini açacaq ve köçip kelgenler içün iş tapuv aqqında ders berecekler


Kiyevde Truhanov adasında «Bereg» art-iqametgâhında paytahtta ilk Ava kitaphanesini açacaqlar, bunıñ ile köçip kelgenler içün iş tapuv aqqında ders berecekler.

«Cumaertesi künü saat 18:30 açıq kök tübünde ilk alem-aşkâre kitaphane açılacaq. Teşkilâtçılar er istegen insannı onıñ tolduruvına qoşulmağa çağıra, eñ cümert kitap bağışlayıcını art-iqametgâhtan ediye bekley. Saat 13.00 – köçip kelgenler içün Ukraina HeadHunter iş tapuv boyunca derslerni berecek», – denile teşkilâtnıñ saytında.

Er kes içün kiriş bedavadır.

«Bereg» bütünukrain cemaat teşkilâtı 2012 senesi Donetskte açıldı. 2014 senesi leyha «yüregi» Kiyevge köçip keldi ve şimdi Truhanov adasında «Bereg» yaz art-iqametgâh olaraq çalışa. Faaliyet yönelişi: beden terbiyesi, sanaat, icat, inkişaf.

Qırım Rusiye tarafından 2014 senesi mart ayında işğal etilgeninden soñ, insanlar yarımadadan qıtaiy Ukrainağa köçmege başladı. Ukraina İçtimaiy siyaset nazirliginiñ malümatına köre iyül 6-na Donbass ve Qırımdan köçip kelgen 1 mln 369 844 insan qayd etildi.

XS
SM
MD
LG