Cuma künü, iyül 10-da, Aqmescitniñ Kozlov soqağında qurucılıq çöplügi yanıp tutaştı. İşbu yerde evel urba çarşısı yerleştirile edi, şimdi ise yoq etilmesi boyunca işler alıp barıla.
Qırımnıñ Rusiye Fevqulâde işler nazirliginiñ matbuat hızmeti bildirgeni kibi, yanğın yerine yanğıncılar yollanıldı.
«Qurtarıcılar yañgın yüz bergen yerge qısqa müddet içinde kelip çıqtılar. Bunıñ sayesinde yanğınnıñ yaqında olğan bina ve naqliyatqa keçmesini toqtatıp oldılar», – denile beyanatta.
Saba iyül 6 künü Aqmescitte politsiya şeer merkezindeki çarşını sarıp aldı, onı yıqmağa başladılar. Şeer memuriyetiniñ başı Gennadiy Baharev işbu areketler Qırım nazirler Şurasınıñ qararı ile amelge keçirilgenini bildirdi.
Qırım Nazirler şurası yanında narazılıqnı bildirgen tuccarlarğa yañı ticariy noqtalarnı bermege vade ettiler.
