Ukrain uquq qoruyıcıları Qırımğa baraycaq olğanlarnı başta bir telefonlarnı, bilgisayar ve içtimaiy ağlardaki safiyelerni Qırımda ekstremist olaraq tanıla bilecek malümattan «temizlemege» çağıralar.
Bu aqta Kiyevde iyül 10 künü matbuat konferentsiyasında «Vatandaşlıq serbestligi merkezi»niñ koordinatorı Mariya Lısenko bildirdi, haber ete Qırım.Aqiqat.
O şunı qayd etti ki, şimdi Qırımda raatlıqnı «ekstremal» olaraq tanımağa mümkün.
«Sizni şahsiy havfsızlıqnı evelden tüşünmege çağıram. Barmazdan evel içtimaiy ağlarnı, telefon ve bilgisayarlarnı işğalci akimiyet tarafından ekstremist olaraq tanıla bilecek malümattan temizlemege tevsiye etem», – dey faali.
Lısenko Qırımğa ketip, qıtaiy Ukraina ile bağnı coymamağa tevsiye ete.
«Ukrainanıñ qıtaiy qısmında siznen gece-kündüz aynı bir zamanda bağ quracaq ve, eger de siz belgilengen vaqıtta onıñ ile bağlanmasañız, ne etmek kerek olğanını bilgen bir insannıñ bar olmasını tüşünmege çağıram», – dey o.
2014 senesi Rusiye tarafından Qırım işğal etilgeninden soñ qıtaiy Ukraina ve yarımada arasında memuriy, amma aqiqatta – kerçek sıñır peyda oldı. Qırım vaqtınca işğal etilgen topraq olaraq tanıla.
