Link açıqlığı

Kiyevde iyül 10 künü «Qırım: İşğal hronikaları» toplamınıñ ekinci çıqışını taqdim ettiler. «Cemaat serbestligi merkezi» ve «Yevromaydan SOS» teşebbüsiniñ faalelri Qırımda siyasiy taqiplerniñ devam etkeni ve artqanı aqqında bildirdiler, haber ete Qırım.Aqiqat mühbiri.

Şu cümleden, faaller Qırımda iyün ayı devamında vatandaşlarnıñ zulumı aqqında malümatnı taqdim eteler.

«Teessüf ki, yaz istenilgeni kibi başlanmadı. Noqtaiy nazarı farqlı olğаn ealiniñ faal qısmı taqip etilmekte. Bizge 9 mahkeme toplaşuvı, bir makeme ükmü, 3 para cezası, 10 yaqalav, 7 sorğu, 3 tenbiye aqqında haber keldi. Vaqtınca işğal etilgen territoriyada bu şimdi pek mot. İyünde daa 6 cinaiy iş, bina zaptı ve bir sıra diger bozuluv qayd etildi», – dey «Cemaat serbestligi merkeziniñ» koordinatorı Mariya Lısenko.

Faaller deyler ki, şimdi olğan yuridik mehanizmler vatandaşlarnı qorumağa imkân bermey.

Bu kibi toplamlarnı faaller er ay azırlay, mündericesi ile mezkür teşkilâtlarnıñ saytlarında tanış olmaq mümkün.

XS
SM
MD
LG