Cumaaqşamı künü, iyül 9-da, «Undervud» gruppası Qırım aqqında yırğa videoklipni taqdim etti.
Yırcı: «Qırım kimniñ olğanını ayt, men seniñ kim olğanını aytarım» dep yırlay ve ayrı bir qoranta munasebetlerinde örnek köstere.
«Farqlı insanlarmız, ne aytayım, sen vatanperversiñ, men sigar çekmek kirdim», – dep yırlaylar olar.
İyül 10-na klipni YouTube ağında aman-aman 20 biñ insan baqıp çıqtı.
«Undervud» – 1995 senesi Aqmescitte teşkil etilgen muzıkal taqım. 2000 senesi Moskvağa köçip, daa da faal icat etmege başladı.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
