Link açıqlığı

Saatnıñ esas haberi

Paşayev: ATR telekanalında haber çıqışları Oraza bayramdan soñ başlanır


Sputnik ağı vastasınen Kiyevden yayınlanğan ATR qırımtatar telekanalında «Zaman» haber çıqışları efirge iyül 20-den, Oraza bayramdan soñ çıqacaq.

Bunı Avdet neşirine haberlerniñ baş muarriri Osman Paşayev bildirdi.

Onıñ aytqanı kibi, haberler alâ da üç tilde olacaq – qırımtatar, ukrain ve rus – künde üç kere (17:30, 19:30 ve 21:30).

Hatırlatamız, iyün 17 künü, musulmanlar içün muqaddes Ramazan ayı arfesinde ATR birinci qırımtatar telekanalı ve LÂLE bala telekanalınıñ Kiyevden sputnik ve internet vastası ile yayınlavı yañartıldı. İyün 18 künü ATR saibi Lenur İslâmov bu aqta resmiy şekilde Kiyevde Qırımtatar Milliy Meclisniñ reisi Refat Çubarovnıñ iştiraki ile keçirilgen matbuat konferentsiyasında bildirdi. O vaqıt ATR saibi Qırımda qalğan jurnalistlerniñ telekanalnıñ Kiyevden işlep başlağanına alâqası olmağanını bildird

Aprel 1-den dünyada yekâne ATR qırımtatar telekanalı, Rusiye litsenziyasını elde etalmayıp, yarımadada yayınlavını toqtattı. ATR yayınlavınıñ toqtatılması ile cumhuriyet akimiyeti qırımtatar cemaat telekanalını teşkil etmek teşebbüsini bildirdi. Onıñ fikrine köre, bu kanal qırımtatarlarnıñ doğru malümatnı elde etmek aqqını teminler.

Oraza-bayram – muqaddes Ramadan ayınıñ soñunda qayd etilgen bayramdır. Bu sene iyül 17-ne kele, amma adet üzre 3 kün qayd etile. Qırımda iyül on yedisi raatlıq künü olaraq ilân etilgen.

XS
SM
MD
LG