KrımSOS cemaat teşebbüsi Çehiya ve Ukraina elçihanesi yardımı ile Kiyevde köçip kelgender içün ruhiy yardım gruppalarını açalar.
Qırım.Aqiqatqa bildirilgeni kibi, bedava ruhiy derslerge bala ve ana-babaları davetlidir.
«Balalar ile derslerni oyun şeklinde, art-terapiya usuliyeti vastası ile keçirilecek. Ana-babalar içün derslerde tecribeli qoranta ruhiyatçısı ile er angi suallerni muzakere ete bileceksiñiz», – deyler yardım teşebbüsçileri.
Bunıñ ile büyükler içün ayrı ruhiy yardım gruppası teşkil etilecek ve şahsiy mesleatlar keçirilecektir.
Dersler iyül 27-den başlana. Qoşulmağa istegenler online-anketanı tolurmaq kerektir.
Ukraina İçtimaiy siyaset Nazirliginiñ malümatına köre, iyün 25-ne 1 million 358 biñ köçip kelgen insan qayd etilgendir.
KrımSOS – 2014 senesi fevral 27-de Rusiye Federatsiyasınıñ Qırım Muhtar Cumhuriyeti işğaliniñ başlanmasında göñülliler tarafından meydanğa ketirildi. KrımSOS Ukrainada Birleşken Milletler Teşkilâtınıñ Qaçaqlar meseleleri boyunca Yuqarı Komissarı idaresiniñ icra ortağı ola. KrımSOS Qırım ve şarqiy regionlarda mecburen köçip kelgen insanlarğa yardım ete, em de Qırımdaki vaqialar aqqında malümat bermekte.
