Link açıqlığı

Qırım meselesi halqara toplulıq içün qapalı degil, Rusiye işğali iç bir vaqıt tanılmaz, dedi İntefaks-Ukraina agentligine Ukraina Tış işler nazirliginiñ başı Pavlo Klimkin.

Böyleliknen o Rusiye zenaatdaşınıñ Qırımnıñ Rusiyege ait olğanı artıq muzakere etilmegeni ve bu sual qapatılğanı aqta bildirüvini izaatladı.

«İnsan aqları, halqara uquq ve halqara havfsızlıq kibi ibarelerni boş söz olaraq qabul etmegen devlet Qırımnıñ Rusiye işğalini ve Rusiye Federatsiyasınıñ cinaiy qararlarını iç bir vaqıt tanımaz», – dey Klimkin.

Ukraina naziriniñ sözlerine köre, Rusiye areketleri yarımada ve onıñ sakinleriniñ izolâtsiyasına yönelgen.

«Rusiye Qırımnı dünya içün qapattı. Rusiye Qırımnı tuvğan toprağında serbestlikte yaşamağa istegen qırımlılar içün de qapattı. İşğalci akimiyet lâyıq yaşayışqa ümütlerni yoq etip, soñki vatandaşlıq aqlarını tutıp ala», – dey o.

Rusiye Tış işler Naziri Sergey Lavrov dey ki, BRICS ve SCO sammiti devamında Rusiye şeriklerinden iç biri Qırımnıñ Rusiye territoriyası olaraq tanılmağanı aqta bildirmedi. Şunıñ içün Qırım meselesi, onıñ fikrine köre, qapatıldı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG