Link açıqlığı

Kiyevniñ apellâtsion mahkemesi Qırım Yuqarı Şurasınıñ sabıq deputatı Vasiliy Ganış imayesiniñ onıñ tevqifini lâğu etmek aqta şefaatını qabul etmedi.

Bu aqta Qırım.Aqiqatqa Ganışnıñ adliyecisi Andrey Rudenko bildirdi.

«Amma, aynı zamanda, mahkeme prokuraturağa Ganışnıñ mahkeme-tibbiy teşkerüvini keçirmege avale etti», – dey Rudenko.

Kiyev şeeriniñ Peçersk rayon mahkemesiniñ mahkemecisi Yuliy Farkoş çarşenbe künü iyün 24-de qıtaiy Ukrainada QMC prokuraturasınıñ sabıq Qırım deputatı Vasiliy Ganışqa tevqif müddetiniñ uzattırılması aqta şefaatını qabul etti. Sabıq deputatnıñ tevqifi avgust 16-na qadar uzattırıldı, prokuratura ise iyül 19-na qadar uzatmağa rica etken edi.

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıqışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG