Link açıqlığı

Rusiye Tış işler Naziri Sergey Lavrov dey ki, BRICS ve SCO sammiti devamında Rusiye şeriklerinden iç biri Qırımnıñ Rusiye territoriyası olaraq tanılmağanı aqta bildirmedi.

Bu aqta o iyül 9 künü brifingde bildirdi.

«Qırım meselesi, menimce, bunı er kes añlay, qapatıldı. Onı Qırım halqı ve Rusiye Federatsiyasınıñ qararları qapattı», – dey Rusiye Tış işler Naziri.

«Bir qaç saatten peyda olacaq vesiqalarda BRICS ve SCO yetekçileriniñ Minsk añlaşmalarınıñ insaflı eda etilmesi boyunca umumiy mevamımıznı qabul etkenini körersiñiz», – dey Lavrov.

Evel, BMT Baş assambleyası Ukraina topraq bütünligine destek ve Rusiye işğalini takbih etken beyannameni qabul etkende, BRICS azaları Braziliya, Qıtay, İndiya bitaraf oldı.

O vaqıt BMT100 memleketi Rusiye istilâsını takbih etti ve tek Rusiye öz 10 satelliti ile qarşı çıqtı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG