Link açıqlığı

Qırımda yarımadada devlet vazifelerini eda etken insanlarnıñ qouvı boyunca mahsus komissiya teşkil etildi

Qırımnıñ Rusiye başı Sergey Aksenovnıñ mütenasip avalesi Nazirler Şurası saytında aşkâr etilgen.

Vesiqada qayd etilgeni kibi, komissiyanı «devlet akimiyetiniñ itibarını tüşürmemek» maqsadı ile teşkil eteler.

Vesiqada şunı qayd eteler ki, komissiya cinaiy işlerniñ açılması, memurlarğa qarşı taqiqat areketleriniñ keçirilmesine tez sürette seslenecektir.

«Eger de komissiya Qırım Cumhuriyetinde devlet vaziflerini, Qırım Cumhuriyetiniñ devlet vatandaşlıq hızmeti, belediye hızmetinde vazifelerni eda etken şahıslarnıñ aq-uquqlarınıñ bozuluvını qayd etse, Rusiye Federatsiyası prezidentini haberdar etmek kibi qarar alına», – denile vesiqada.

Qırımnıñ Rusiye ükümetiniñ soñki toplaşuvına Aksenov Qırım memurlarına qarşı cinaiy işlerni «tarik» olaraq adladı ve şahsiy qoruvnı vade etti.

XS
SM
MD
LG