Qırımnıñ Rusiye prokurorı Natalya Poklonskaya dey ki, qırımtatarlar onıñ müessise hadimleriniñ dörtte bir qısmını teşkil ete.
Bu aqta o Komsomolskaya pravdağa bildire.
«Mında insanlar soqaqlarğa çıqıp: akimiyetni yoq etiñ, – dep qıçırmay. Mında öyle şey yoq. Er kes işke kire. Prokuraturanı alayıq: hadimlerniñ dörtte biri – qırımtatarlardır», – dey Poklonskaya.
Poklonskaya emindir, qırımtatar meselesinde suniy mühtekirlik bar.
Poklonskayanıñ prokuratura hadimleriniñ sayısı aqqında malümatınıñ diger qaynaqlardan tasdiqlavı yoqtır. Qırımtatar Milliy Meclisinde işbu malümatnı izaatlamaylar.
Qırımnıñ Rusiye tarafından işğalinden soñ Mecliste ve diger uquq qoruyıcı teşkilâtlarda yarımadada yaşağan qırımtatarlarğa nisbeten basqı yapılğanını bildireler. Qırımtatar faalleri yarımadanı terk etmege mecburlar, qırımtatarlarnıñ yetekçileri – Mustafa Cemilev ve Refat Çubarovğa Rusiye akimiyeti Qırım kirişini beş yılğa yasaq etti. Qırımtatar matbuat vastaları qapatıla, bazıları qıtaiy Ukrainağa avuştı.
