Link açıqlığı

Kiyev Peçersk rayon mahkemesi iyül 8 künü «Aydar» ukrain batalyonınıñ göñülli askeri qırımlı Enver Velilâyevge apis müddetini daa yarım yılğa uzattı, haber ete 112 Ukraina.

«İmaye böyle qarardan şaştı, çünki bu iş boyunca keçken daa üç askerge ev tevqifi belgilendi», – haber ete telekanal.

Bunıñ ile daa bir asker – Aleksandr Babiçniñ işi boyunca mahkeme toplaşuvı keçmek kerek edi, amma onıñ advokatı mahkemeciniñ deñiştirilmesi aqta bildirdi ve toplaşuvnı başqa künge keçirdiler.

Kiyev Peçersk rayon mahkemesiniñ mahkemecisi Natalya Vasilyeva iyün 20 künü «Aydar» batalyonınıñ askeri, qırımtatarı Enver Velilâyevniñ adliyecileri tarafından berilgen şefaatını lâğu etti. İmaye mahkemeden apiste bulunuv kibi cezanıñ olmaması ile qararnı çıqarmağa rica etken edi.

Kefil şefaatı ile mahkemege Qırımtatar Milliy Meclis reisi, Ukraina halq deputatı Refat Çubarov muracaat etti. Amma mahkemeci «iş ile yüklenilmesi büyük olğanından» sebep deputatnıñ şahsiy kefaletini şübeli olaraq qayd etti.

«Aydar» askerini uquq qoruyıcı organlarınıñ hadimlerine ücüm etilgeninde, aydutlıq, insanlarnıñ hırsılzavı, arbiy qısımnıñ öz istegi ile qaldıruvında şekleyler.

Bu işte Velilâyev ile «Aydar»nıñ diger askerleri de iştirak ete, şu cümleden Aleksandr Babiç, Nikolay Ştirhun, Viktor Gerçak ve Nikolay Lâşçuk.

Şimdi Enver Velilâyev Kiveniñ Lukyanovsk SİZOsında buluna.

XS
SM
MD
LG