Link açıqlığı

UMMA Ukraina musulmanları Diniy idaresiniñ müftisi, şeyh Said İsmagilov dindaşlarnı evlerini terk etmege mecbur olğan Qırım ve Donbas sakinlerine, em de yaralanğan, yetim ve qartlarğa sadaqalarnı yollamağa çağırdı, – haber ete Qırım.Aqiqat.

Bu çağıruvnı İsmagilov öz Facebook saifesinde aşkâr etti.

Musulmanlarnıñ Diniy idaresi müftisi dey ki, Avropa memleketlerinde adet üzre iane aşnen degil de, paranen berile. «Ukrainada bu sene al-fitrniñ miqdarı bir insandan 75 grivnanı teşkil ete. İmam an-Navavi dey edi: İnsan al-fitrni özü içün ve paranı masraf etken insanlar içün: qadını, bala ve ana-babası içün bermeli», – dey İsmagilov.

Onıñ sözlerine köre, al-fitr fuqare, yetim, saqat, hasta insanlarğa, evsiz qalğan qaçaqlarğa berilmeli.

«Maalesef, bugün böyle insanlarnıñ sayısı pek büyük. Böyle ianeni bermek içün parası olmağanlarğa al-fitr farz degil, işbu insanlar özleri onı elde ete bileler. Zakâtnı bayramdan bir qaç kün evel başlap bermege mümkün», – dey müftiy.

Hatırlatamız, iyün 18-den musulmanlarda muqaddes Ramazan ayı başlandı. Ay devamında islâmnı kütken er bir insan orazanı tutmaq kerek.

XS
SM
MD
LG