Ukraina Haber siyaseti Nazirligi ve Ukraina prezidentiniñ Qırımdaki temsilciligi Qırım jurnalistleriniñ Hersonda media-merkezniñ teşkil etilmesi aqta leyhalarına qol tutar. Bu aqta Qırım haber siyaseti meseleleri boyunca nazir keñeşçisi Sergey Kоstinskiyniñ Ukraina prezidentiniñ Qırımda daimiy temsilcisi Natalya Popoviç ile körüşüvi devamında belli oldı.
Körüşüv Hersonda ötkerildi, Qırım yarımadasınıñ işğalinden berli temsilcilik mında buluna, – dep haber eteler Nazirlikniñ matbuat hızmetinde.
«Ukraina Haber siyaseti Nazirligi Ukraina prezidentiniñ Qırımdaki temsilciligi ile işbirlikte Qırım jurnalistlerine Hersonda media-merkezni teşkil etmege yardım etecektir. Merkez memleketniñ qıtaiy qısmı ve Qırım ile arasında media tüyüm olmalı. Bundan da ğayrı, Nazirlikniñ temsilciliknen daimiy işbirligi qırımlılarğa qıtada öz aqlarını amelge keçirmege imkân berir», – dey Sergey Kоstinskiy.
Körüşüvde Hersonda Qırım media-merkeziniñ yerleştirilüvi içün bina berilmesi ve Herson vilâyetinde umumiy haber kampaniyalarınıñ amelge keçirilmesi kibi meseleler muzakere etildi.
