Kezlev memuriyetinde plâjlarnıñ teşkerüvini keçirmek niyetindeler, kiracılarnı evelden tenbiyeleyler.
Bu aqta şeer memuriyetiniñ matbuat hızmeti bildire.
Memuriyet başınıñ muavini Valeriy Batük qayd etti ki, şeerde kurort mevsiminiñ aktiv zamanı başlandı, amma plâjlar talaplarğa uymay.
Beyanatqa kayd etilgeni kibi, kiracılarnıñ çoqusı alâ daa şeer memuriyetine plâjlarnıñ azırlığı aqta malümatnı yollamadı. Mütenasip vesiqalarnı iyül 10-na qadar bermegenlerge şeer akimiyeti «ciddiy cevap» berilecegini vade ete.
Batük şunı dey ki, er bir plâjnıñ statusı kirişte qayd etilmeli.
«Bu talarlarğa er yerde riayet etilmey. Diger bozuluvlar arasında – kiriş içün para alınması, ufaq gemilerniñ mütenasip vesiqalarnıñ olmadan kirağa berilmesi ve ilâhre», – dey o.
Memurnıñ malümatına köre, Kezlevde şimdi 17 biñ insan raatlana. Şeer territoriyasınla 102 plâj bar, olardan 53 – umumiy, 35 – bala, 14 – şifaiy.
İyün başında Qırım yalı kenarındaki şeerlerniñ yolbaşçılarına plâjlarnı çöplükten cıyıştırmağa içün bir afta berilgen edi.
