Başı Оleg Savelyev olğan Qırım işleri boyunca Rusiye Nazirligine Rusiye Naqliyat Nazirligi, Rosavtodor ve Qırım Nazirler şurası ve Aqyar ükümeti ile birlikte Qırımda avtomobil yolları tamiriniñ tezleştirüvi boyunca qarar almağa avale etildi.
Mütenasip avale Rusiye ükümetiniñ saytında iyül 7 künü aşkâr etilgen.
Avalede Rusiye Köy hocalığı nazirligine de talaplar qayd etilgen. Nazirlik Qırım territoriyasından köy hocalığı malınıñ çıqarılması boyunca ketişatlarnı qolaylaştırmaq kerektir.
Salı künü, iyül 7-de, brifingde Qırımnıñ Rusiye Devlet şurasınıñ iqtisadiy, bücet-maliyeviy ve bergi hızmeti boyunca komitetiniñ başı Vitaliy Nahlupin akimiyet federal organları Qırımğa yollarnıñ tamirine 1,4 mlrd ruble borclu olğanını qayd etti.
