Link açıqlığı

Çarşenbe künü, iyül 8-de, Kiyevniñ Peçersk rayon mahkemesinde «Aydar» ukrain batalyonı göñüllileri – yaqalanğan Enver Velilâyev ve Aleksandr Babiçniñ işleri boyunca nevbetteki toplaşuv keçirilecektir.

Qırım.Aqiqat mühbirine Velilâyevniñ advokatı İgor Fedosük bildirgeni kibi, o kene de mahkemede öz müşterisi içün serbestlikni sıñırlamağan qararnı çıqarmağa rica etecektir.

«Qararnıñ deñiştirilmesi aqta imayeniñ şefaatı baqılacaq. Ümüt etemiz ki, bu sefer mahkeme bizni eşitir», – dey advokat.

Kiyev Peçersk rayon mahkemesiniñ mahkemecisi Natalya Vasilyeva iyün 20 künü «Aydar» batalyonınıñ askeri, qırımtatarı Enver Velilâyevniñ adliyecileri tarafından berilgen şefaatını lâğu etti. İmaye mahkemeden apiste bulunuv kibi cezanıñ olmaması ile qararnı çıqarmağa rica etken edi.

Kefil şefaatı ile mahkemege Qırımtatar Milliy Meclis reisi, Ukraina halq deputatı Refat Çubarov muracaat etti. Amma mahkemeci «iş ile yüklenilmesi büyük olğanından» sebep deputatnıñ şahsiy kefaletini şübeli olaraq qayd etti.

«Aydar» askerini uquq qoruyıcı organlarınıñ hadimlerine ücüm etilgeninde, aydutlıq, insanlarnıñ hırsılzavı, arbiy qısımnıñ öz istegi ile qaldıruvında şekleyler.

Bu işte Velilâyev ile «Aydar»nıñ diger askerleri de iştirak ete, şu cümleden Aleksandr Babiç, Nikolay Ştirhun, Viktor Gerçak ve Nikolay Lâşçuk.

Şimdi Enver Velilâyev Kiveniñ Lukyanovsk SİZOsında buluna.

XS
SM
MD
LG