Link açıqlığı

Qırım Nazirler şurası Bağçasaray memuriyeti başınıñ qanunsız sürette işten boşatıluvını al ete


Qırımda Bağçasaray şeer şurasınıñ reis muavini Andrey Pozdnâkov şeer memuriyetiniñ başı Vladimir Verhovodnı işten boşattı, faqat Qırım nazirler şurası bunı «qanuniyetke ters kelgen» qarar olaraq tanıy. Bu aqta Qırımnıñ baş nazir muavini Dmitriy Polonskiy bildire, – haber ete salı künü, iyül 7-de, Krıminform saytı.

İyül 7 künü Bağçasaray şeer şurasınıñ reis muavini Andrey Pozdnâkov Bağçasaray memuriyetiniñ başı Vladimir Verhovodnı işten boşatqanı aqta haber etti.

Bağçasaray memuriyetiniñ başı ise onıñ istifası aqqında bir şey bilmegenini bildire.

Bunı izaatlap, Polonskiy dey ki, Pozdnâkovnıñ qararını «añlamağa qıyın».

«Adet üzre, ruhiy sağlığı eyi olmağan insanlarda problemler ya baar, ya küzde yüz bere. Biz ise klinik beterleşüvni yaznıñ ortasında köremiz. Belli ki, bugün Bağçasaray şeer şurasınıñ reis muavini Bağçasaray memuriyetiniñ başı ile kontraktnı toqtatıp olamaz. Em de, iç bir şaraitte onı eda etken vazifesinden boşatamaz. Çünki bu er şey Rusiye qanuniyetine ters kele», – dedi Qırım baş nazir muavini.

Qırım baş nazir muavii Dmitriy Polonskiy Bağçasarayda «er kes öz iş yerinde qala ve vazifelerini eda etmege devam ete» dep qayd etti.

XS
SM
MD
LG