Link açıqlığı

Rusiye mudafaa nazirligi Qırımğa Suriye talebelerini ketirecek ola


Suriye talebeleri Qırım yaşlar lagerine raatlanmağa kelecek. Bunı bazarertesi künü, iyül 6-da, Rusiye mudafaa nazirliginiñ matbuat hızmeti bildirdi.

Müessiseniñ malümatına köre, söz Suriye Arabiy Cumhuriyetiniñ arbiy borcunı eda etken vaqıtta elâk olğan arbiy hızmetçileriniñ balaları içün internatnıñ 15 talebesi aqta kete.

Qırım ziyaretinden evel talebeler Preobrajenskiy polkunıñ 154 ayrı komendant bölügine kelecek. Mında arbiy hızmetçiler Suriye balalarını avtomobil ve mahsus tehnika nümüneleri ile tanış etecekler.

Bunıñ ile arbiy hızmetçileri balalarğa öz faaliyeti, patlav aletleriniñ tapıluv ve yoq etüv ameliyatı aqqına tarif etecekler.

XS
SM
MD
LG