Qırımnıñ Rusiye taqiqat komitetiniñ idaresi 1988 senesi Qırımnıñ baş nazir muavini Aleksandr Safontsevniñ öldürüvini azırlağan Andrey Laptevge Qırım Yuqarı Şurasınıñ çıqarğan qararı aqqında bildire. Adamğa 15 yıllıq apis cezasını maküm ettiler.
Müessiseniñ malümatına köre, Laptev Keriç territoriyasında 1994-2005 seneleri areket etken aydut taqımınıñ teşkilâtçısı edi.
O Rusiye cinaiy kodeksiniñ «aydutlıq», «öldürüv» ve «öldürüv suiqastı» maddeleri boyunca qabaatlı olaraq tanılğan.
Taqqatnıñ bildirgeni kibi, Laptev 42 ağır cinayetni amelge keçirdi, olardan 29 öldürüv, 11 – öldürüv suiqastı, şu cümleden Safontsevniñ öldürüvi.
Matbuat hızmetiniñ malümatına köre, 2005 senesi Laptev Qırımdan Rusiye Federatsiyasına ketti, amma 2014 senesi dekabr ayında Moskvada yaqalanıp, Qırımğa yollanıldı.
Laptev mahkeme qararına itiraz bildirecekmi, belgisiz.
Aleksandr Safontsev 1998 senesi fevral 5 künü Qırımda «Tavriya» turistik bazasına kirgende öldürildi.
