Link açıqlığı

Aqmescit memuriyetiniñ başı Gennadiy Baharev kommunal hızmeti hadimlerine Kozlov soqağında çarşınıñ yoq etilmesinden soñ tamir işlerine başlamağa avale etti.

Bu aqta Aqmescitniñ şeer memuriyetiniñ saytında aytıla.

«20 yıl devamında mında tamir işleri yapılmadı, şunıñ içün suv ve gaz teminlevi ağlarınıñ vaziyetini bilmeymiz. Soqaqta bir yol keteni olacagından sebep, acele bu obyektlerni baqıp çıqmaq kerek», – dedi Baharev.

Qırım.Aqiqat bildirgeni kibi, saba iyül 6 künü Aqmescitte politsiya Kozlov soqağında yerleşken çarşını sarıp aldı, mında ticaret noqtalarını yıqmağa başladılar. Aqmescitniñ şeer memuriyetiniñ başı Gennadiy Baharev dey ki, «tedbirler Nazirler Şurasınıñ RK№465 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» ve şeer memuriyetiniñ №25 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» qararları negizinde keçirile».

Aqmescitniñ Kozlov soqağındaki yıqılayatqan çarşınıñ satıcıları Qırım Nazirler Şurası binasınıñ yanında numayış keçirgen ediler.

Evel şeer memuriyetinde aytılğanı kibi, mında ticaret qanunsız sürette keçirile eken. Aqmescitniñ Kozlov soqağındaki çarşını endi bir qaç sene devamında yıqacaq olalar, amma iş adamlarınıñ narazılığı keder ete edi.

XS
SM
MD
LG