Link açıqlığı

Saatnıñ esas haberi

Aksenov memurlarğa qarşı işler aqqında: vekâletli insanlarğa kimse boşuna «baş aylandırmaycaq»


Qırımnıñ Rusiye başı Sergey Aksenov dey ki, Qırımnıñ sanayı siyaseti naziri Andrey Skrınnikke qarşı devlet mülkiniñ hırsızlavı aqta qabaat uydurılğandır.

Bu aqta o iyül 7 künü Qırım ükümetiniñ toplaşuvında bildirdi, haber ete Qırım.Aqiqat.

«Skrınnik Andrey Aleksandroviçnen mesele çıqtı, ögrenip baqtıq, uydurılğan bir malümat, aqiqatqa iç uymağan… Ter-temiz tarik. Qaydan kelip çıqqanını da bilem», – dey Aksenov.

O, toplaşuvda «ukrain ve rus qanuniyetlerine bağlı meselelerde qabul etken qararlarda ufaq-tüfek hatalarnı etken Qırım memurlarını qanunsız taqipten» qorçalamağa söz berdi.

«Vekâletli insanlarğa kimse boşuna baş aylandırmaycaq!», – dedi Aksenov.

Qırımda Rusiye FSB idaresi iyün soñunda Skrınnik devlet mülkiniñ hırsızlavında şeklengenini bildirgen edi.

İyün 30 künü Qırım ve Aqyar boyunca FSB idaresi Qırım bergi hızmetiniñ başı Nikolay Koçanovğa nisebetеn cinaiy işniñ açılması aqta bildirdi.

XS
SM
MD
LG