Link açıqlığı

Qırımnıñ Rusiye devlet şurasınıñ Haber siyaseti, bağ ve kütleviy kommunikatsiya boyunca komitetiniñ reisi Sergey Şuvaynikov ğarbiy memleket, AQŞ ve Ukraina tarafından «informatsion ücüm» aqqında bildire, amma dey ki, bu endi qırımlılarnıñ taqdirine iç te tesir etmez.

Bu aqta Qırım parlamentiniñ matbuat hızmeti bildire.

«Bu Rusiye ve Qırım matbuat vastaları temsilcileriniñ keyfiyetli işi aqqında dey, olar 2014 senesi mart ayından Qırım ve Aqyarda olğan vaqialar aqqında tam ve obyektiv malümatnı bere. Amma AQŞ, internet ve içtimaiy ağlarnı qullanıp, haber ücümlerine devam ete. Rusiye de, arap memleketleri ve Ukraina tecribesine köre, sanki bu ücümlerge qarşılıq kösterip olamay», – dey matbuat hızmeti.

Şuvaynikov dey ki, «Qırım er angi haber tariklerine azır, şu cümleden Ukraina tarafından da».

Rusiye tarafından işğal etilgen Qırım matbuat serbestliginiñ seviyesi alçaq olğan on memleket ve territoriya sırasına kirdi. Yarımada Aqrusiye, İran, Turkmenistan, Özbekistan memleketleri yanındadır, dep bildire AQŞ Freedom House teşkilâtı.

XS
SM
MD
LG