Link açıqlığı

Aqmescitte Kozlov soqağındaki çarşıda çalışqanlar akimiyetni ekiyüzlülik ve satqınlıqta qabaatlay.

«Halq saylavlar vaqtında kerektir. Şimdi yuqarı turğan bütün teşkilâtlar bizden vazgeçti, bizni bezgelek çibinlerni kibi quvaalar. Bıltır, halq imayesi ve cenübiy-şarqqa yardım kerek olğanda, biz köstergen edik», – dep çorlana iş adamlarından biri.

Qırım.Aqiqat bildirgeni kibi, saba iyül 6 künü Aqmescitte politsiya Kozlov soqağında yerleşken çarşını sarıp aldı, mında ticaret noqtalarını yıqmağa başladılar. Aqmescitniñ şeer memuriyetiniñ başı Gennadiy Baharev dey ki, «tedbirler Nazirler Şurasınıñ RK№465 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» ve şeer memuriyetiniñ №25 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» qararları negizinde keçirile».

Аqmescit memuriyetiniñ başı muavini, ticaret saasında mesüliуetli Teyfuk Gafarov aytqanı kibi, Kozlov soqağında çarşınıñ yoq etilmesi boyunca iş, ava şaraitlerine köre, eki kün içinde bitirmeli. Gafarov şunı da bildirdi ki, iş adamları ile muzakere iyül 5 kününden başlap keçirile. Aytqanı kibi, bazıları göñülli sürette şeylerini çarşıdan çıqarmağa razı oldı, bazıları daa yoq.

Evel şeer memuriyetinde aytılğanı kibi, mında ticaret qanunsız sürette keçirile eken. Aqmescitniñ Kozlov soqağındaki çarşını endi bir qaç sene devamında yıqacaq olalar, amma iş adamlarınıñ narazılığı keder ete edi.

XS
SM
MD
LG