Ukraina prezidentiniñ qırımtatar halqınıñ işlerinden vekâletlisi Mustafa Cemilev iyül 6 künü «Litvaniya ögündeki yararlıqlar içün» rıtsar haçı ile taqdirlenildi.
Bu aqta Qırımtatar Milliy Meclisiniñ matbuat hızmeti bildire.
Matbuat hızmetiniñ malümatına köre, nişannı Litvaniya Cumhuriyeti Prezident sarayında Litvaniya Prezidenti Dalia Grybauskaitė taqdim etti.
«Litvaniya ögündeki yararlıqlar içün» nişanı 2002 senesi tesis etildi.
