Link açıqlığı

Aqmescit memuriyetiniñ başı muavini, ticaret saasında mesüliуetli Teyfuk Gafarov aytqanı kibi, Kozlov soqağında çarşınıñ yoq etilmesi boyunca iş, ava şaraitlerine köre, eki kün içinde bitirmeli.

Bu aqta Aqmescit memuriyetiniñ matbuat hızmeti bildire.

Gafarov şunı da bildirdi ki, iş adamları ile muzakere iyül 5 kününden başlap keçirile. Aytqanı kibi, bazıları göñülli sürette şeylerini çarşıdan çıqarmağa razı oldı, bazıları daa yoq.

«Şeer akimiyeti ve tuccarlar arsında aracı olğan iş adamları – «faller», Aqmescit şeeri memuriyetiniñ niyeti aqqında bildirmeyip, satıcılarnı aldattılar. Al-azırda işbu şahıslar şeer akimiyeti ve tuccarlarğa ticaret obyektlerinden malnıñ çıqaruvı ve işke şeerniñ diger ticariy noqtalarında devam ettirüvi boyunca añlaşmağa kedere ete», – dey memuriyetiniñ başı muavini.

O şunı da bildirdi ki, akimiyet «iş adamlarına malnıñ çıqaruvı ve Aqmescitniñ diger çarşılarında yerleştirilüvi boyunca yardım etmege» azır eken.

Qırım.Aqiqat bildirgeni kibi, saba iyül 6 künü Aqmescitte politsiya Kozlov soqağında yerleşken çarşını sarıp aldı, mında ticaret noqtalarını yıqmağa başladılar. Aqmescitniñ şeer memuriyetiniñ başı Gennadiy Baharev dey ki, «tedbirler Nazirler Şurasınıñ RK№465 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» ve şeer memuriyetiniñ №25 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» qararları negizinde keçirile».

Evel şeer memuriyetinde aytılğanı kibi, mında ticaret qanunsız sürette keçirile eken. Aqmescitniñ Kozlov soqağındaki çarşını endi bir qaç sene devamında yıqacaq olalar, amma iş adamlarınıñ narazılığı keder ete edi.

XS
SM
MD
LG