Link açıqlığı

Qırım ükümeti yanında narazılıqnı bildirgen tuccarlarnı Nazirler Şurasına kirsettiler. Qırım.Aqiqat mühbirine iş adamlarından biri aytqanı kibi, insanlarğa Qırımnıñ haber siyaseti naziri olğan baş nazir muavini Dmitriy Polonskiy çıqtı.

«Añlağanıma köre, onıñ (Polonsikyniñ – muar.) vazifesi – insanlarnı kamera ve matbuattan alıp ketmek, işte, becerdi», – dep ayta iş adamı.

Onıñ malümatına köre, bir 50 insan Nazirler Şurası binasına kirdi.

İyül 6 künü Aqmescitniñ Kozlova soqağındaki yıqılayatqan çarşınıñ satıcıları Qırım Nazirler Şurası binasınıñ yanında numayış keçirmege yol aldılar.

Qırım.Aqiqat bildirgeni kibi, saba iyül 6 künü Aqmescitte politsiya Kozlov​ soqağında yerleşken çarşını sarıp aldı, mında ticaret noqtalarını yıqmağa başladılar.Aqmescitniñ şeer memuriyetiniñ başı Gennadiy Baharev dey ki, «tedbirler Nazirler Şurasınıñ RK№465 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» ve şeer memuriyetiniñ №25 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» qararları negizinde keçirile».

Evel şeer memuriyetinde aytılğanı kibi, mında ticaret qanunsız sürette keçirile eken. Aqmescitniñ Kozlova soqağındaki çarşını endi bir qaç sene devamında yıqacaq olalar, amma iş adamlarınıñ narazılığı keder ete edi.

XS
SM
MD
LG