Link açıqlığı

Tuccarlar Aqmescitte çarşınıñ yıqıluvı sebebinden Qırım Nazirler Şurası yanında numayış keçirecekler


İyül 6 künü Aqmescitniñ Kozlova soqağındaki yıqılayatqan çarşınıñ satıcıları Qırım Nazirler Şurası binasınıñ yanında numayış keçirmege yol aldılar.

Qırım.Aqiqat bildirgeni kibi, bir 50 insan ükümet binasına kelip, «malnı qaytarmaq» talap eteler.

İş adamları deyler ki, olarğa daa gece başlanğan çarşınıñ yıqıluvı aqqında kimse haber bermedi. Aytqanları kibi, şimdilik endi 50 ticaret noqtası yıqılğan.

«Malnı bizge kimse bermey, qayda olğanını da aytmaylar», – dep şikâyet eteler satıcılar.

Matbuat vastalarınıñ temsilcilerini çarşığa kirsetmeyler, tek yerli akimiyet tarafdarı olğan telekanalnıñ hadimleri çalışa.

Qırım.Aqiqat bildirgeni kibi, saba iyül 6 künü Aqmescitte politsiya Kozlov soqağında yerleşken çarşını sarıp aldı, mında ticaret noqtalarını yıqmağa başladılar. Aqmescitniñ şeer memuriyetiniñ başı Gennadiy Baharev dey ki, «tedbirler Nazirler Şurasınıñ RK№465 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» ve şeer memuriyetiniñ №25 «Topraq damartılarınıñ kapital qurucılıq obyektleri olmağan obyektlerden temizlevi ile bağlı sualler aqta» qararları negizinde keçirile».

Evel şeer memuriyetinde aytılğanı kibi, mında ticaret qanunsız sürette keçirile eken. Aqmescitniñ Kozlova soqağındaki çarşını endi bir qaç sene devamında yıqacaq olalar, amma iş adamlarınıñ narazılığı keder ete edi.

XS
SM
MD
LG