Link açıqlığı

Saatnıñ esas haberi

Qırım uquq qoruyıcısı dey ki, oña qarşı «cinaiy işniñ sahtesini» açmağa tırışalar


2015 senesi aprel ayında köteklengen, soñra ise FSB (Federal havfsızlıq hızmeti) tarafından sorğuğa çekilgen ve Yaltadaki evinde tintüv keçirilgen İnsan aqları kontakt gruppasınıñ vekili, qırımtatar uquq qorçalayıcısı Emir-Üsein Kuku dey ki, oña nisbeten FSB hadimlerine küç qullanğanı aqta cinaiy işniñ sahtesini yapmağa areket eteler eken.

«FSB, ğaliba, maña qaşı cinaiy işniñ sahtesini yapacaq ola. Meni köteklep, bütün kün sorğuda tutmaq az körüngendir. Salı künü, iyün 30-da, meni Taqiqat komitetine çağırıp, FSB hadimlerinden maña ariza kelgeni aqta bildirdiler. Sanki men olarnı kötekledim, birine qasığına urıp, başqasınıñ daa bir yerine», – dedi uquq qoruyıcı Facebookta.

Evel erkekniñ bildirgeni kibi, oña uquq qoruyıcı organlarınıñ hadimlerine nisbeten cinaiy işniñ açıluvında red ettiler.

Qırım uquq qoruyıcılarınıñ bu aqta izaatları şimdilik daa yoqtır.

Emir-Üsein Kuku Yaltada aprel 20-de işke ketkende yaqalandı. Onıñ evinde tintüv keçirildi, bilgisayarlar, telefon ve kitaplar alındı. Soñra onı, tahmin etilgeni ki, Yalta uquq qoruyıcı organlarınıñ idaresine alıp kettiler.

Kontakt gruppasınıñ daa bir vekili Mammet Mambetovnıñ Facebookta bergen malümatına köre, Emir-Üsein Kukuğa qarar seslendirildi. Oña binaen, onı Rusiye Federatsiyası Cinaiy kodeksiniñ 282-nci maddesine köre «Duşmanlıq ya da nefret qozğalaması, insan itibarını tüşürüv» kibi cinayette şekleyler.

Uquq qorçalayıcı özüni yahşı is etkenini bildirip, büyrek ağrısı olğanını ayttı.

XS
SM
MD
LG