Link açıqlığı

Aqyar akimiyeti cemiyette milletlerara munasebetlerniñ bozulmasına yol bermemek çağıra, memurlarğa cemiyet keyfini nezaret etmek ve milliy ya da diniy negizde ziddiyetlerniñ ögüni almağa avale etildi.

Bu aqta Aqyarnıñ Rusiye ükümeti saytında aytıla.

«Aqyar çoq milletli şeer, amma milletlerara munasebet şeerimizde iç bir vaqıt kergin noqtağa yetmey edi, bunı etmege çalışsalar da. Şunıñ içün em devletniñ, em Aqyar akimiyetiniñ esas vazifesi – çeşit millet ve din vekilleriniñ siyasiy oyunlarda alet kibi qullanılmasına yol bermemek», – dedi Aqyarnıñ Rusiye valisi Sergey Menâylo toplaşuv devamında.

«Biz tarihiy adiselerni gizlep olamaymız ve istemeymiz: repressiya, sürgünlik, er şey bar edi, amma ükümet tarihiy vaqialardan faydalanmağa izin bermemeli – olarğa zemaneviy dünyada iç bir kimse siyasiy renk qoşamaz. Esas vazife – milletlerara ve dinlerara ziddiyetlerge yol bermemek. Sualler peyda olsa – mında bir kimseniñ aqlarınıñ bozuluvını körmek yerinde, olarnı uquqiy alan sıñırında al etmek kerek», – dey o.

Toplaşuvda qayd etilgeni kibi, Aqyar sakinleriniñ tek 5% milletlerara munasebetlerni kergin dep tanıy.

XS
SM
MD
LG