Cuma künü, iyül 3-de, Qırımtatar Milliy Meclisiniñ reisi Refat Çubarov Kiyevde İnsan aqları boyunca Avropa Şurasınıñ komissarı Nils Muižnieks ile körüşüvni keçirdi.
Çubarovnıñ aytqanı kibi, olar yarımadada yaşağan qırımtatarlarnıñ vaziyetini, aqlarına riayet etilmesini ve Qırımda halqara uquq qoruyıcılarnıñ çalışuv imkâniyetini muzakere ettiler.
Avropa Şurasınıñ komissarı Nils Muižnieks aprelde daa bir kere işğal etilgen Qırımğa barmaq niyeti aqqında bildirgen edi.
2014 senesi sentâbr ayında Nils Muižnieks, Qırım ziyaretinden soñ, yarımadada milliy azlıqlarğa, matbuat vastaları ve uquq qoruyıcılarğa basqı etilgeni aqta bildirgen edi.
Bu aqta bir sıra halqara teşkilâtlarnıñ azaları ep bildirmektedir, amma Qırımnıñ Rusiye akimiyeti bu bildirüvlerni abartılğan dep tanıy.
