Kiyevde cuma künü iyül 3-de Ukraina prezidenti Petro Poroşenkonıñ qırımtatarlarnıñ yetekçisi, Ukraina prezidentiniñ qırımtatarlarnıñ işlerinden vekâletlisi Mustafa Cemilev ve Qırımtatar Milliy Meclisiniñ reisi Refat Çubarov ile körüşüvi keçti, – haber ete Qırım.Aqiqat.
Qırımtatar Milliy Meclisiniñ reisi Refat Çubarov Facebook saifesinde bildirgeni kibi, Ukraina prezidenti Petro Poroşenko avgust 1-3 künleri Ankarada keçirilecek II Bütündünya qırımtatarlarnıñ kongressine resmiy şekilde davetlidir.
Körüşüvde Petro Poroşenko, Mustafa Cemilev ve Refat Çubarov qırımtatarlarnıñ alı ve işğal etilgen Qırımda insan aqları ile bağlı vaziyet, qıtaiy Ukrainanıñ Qırım ile alâqası, Ukrainada qırımtatar matbuat vastalarınıñ inkişafı kibi meselelerni muzakere ettiler.
«Mustafa Cemilev Ukrainanıñ tış siyasetinde Qırım yönelişi olğan bir sıra meselelerde ayrıca toqtaldı», – denile beyanatta.
Refat Çubarov prezidentni qırımtatar halqınıñ aq-uquqlarınıñ ğayrıdan tiklenüvi ile bağlı qanun leyhalarınıñ azırlıq seviyesi aqta haberdar etti.
Bildirilgeni kibi, bütün bu meseleler boyunca Ukraina prezidenti zaruriy emirlerni berdi.
