Link açıqlığı

Qırımda mahkeme «fevral 26» işi boyunca yaqalanğan faalni sentâbrge qadar apiste qaldırdı


Cuma künü, iyül 3-de, Aqmescitniñ Kiyev rayon mahkemesinde «fevral 26» işi boyunca yaqalanğan Mustafa Degermenciniñ cezası boyunca mahkeme toplaşuvı keçti.

Mahkeme onı apiste sentâbr 7-ne qadar qaldırmağa qarar aldı, haber ete QHA agentligine Qırımtatar Milli Qurultayınıñ Merkeziy saylav komissiyasınıñ reisi Zair Smedlâyev.

Qırım uquq qoruyıcıları ve mahkeme organları işbu ketişatlarnı adet üzre izaatlamay.

Mustafa Degermenci mayıs 7 künü Sudaqnıñ Suvuq Sala qasabasına yaqalandı.

Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

XS
SM
MD
LG