Link açıqlığı

Ukraina Adliye Nazirliginiñ başı Çubarovğa ukrainler içün Qırım kirişini qolaylaştırmağa söz berdi


Ukraina Yuqarı Şurasınıñ deputatı, Qırımtatar Milliy Meclisiniñ reisi Refat Çubarov ükümet azalarını işğal etilgen Qırımğa kiriş qıyınlıqlarını ögrenmege çağıra.

Şu cümleden, Ukrainskaya pravda malümatına köre, Çubarov dey ki, memuriy sıñırda vatandaşlardan esaplarında 1200 dollarnıñ olmasını talap eteler. Onıñ aytqanı kibi, Ukraina territoriyasından Qırımğa ketken qırımtatarlarnı yarımadağa Rusiyeden kirmege mecbur eteler.

Ukraina Adliye Naziri Pavlo Petrenko Ukraina Yuqarı Şurasınıñ toplaşuvında iyül 3 künü Qırımğa ketken ukrain vatandaşlarınıñ kiriş meselesi ile oğraşmağa söz bere.

«Söz berem, sıñır bekçileri ile yarın toplanıp, işğal etilgen territoriyağa ketken ukrain vatandaşları içün er angi manialarnı yoq etermiz», – dedi Petrenko.

2015 senesi iyün başından Qırım ile memuriy sıñırdan keçüvniñ yañı qaideleri üküm süre. Olarğa köre çetel vatandaşları yarımadağa tek mahsus musaade kâğıtları ile kire bile. Çağına yetmegen balalarğa Qırımğa kirmek içün çetel pasportı ya da balanıñ yürüv vesiqası kerek. Bildirilgeni kibi, yañı qaideler aqqında bilmegen ve vesiqalarnı azırlamağanlarnı kiriş noqtalarında evelden keri qaytaralar. Zaruriy vesiqalarnı yapqan eñ yaqın Migratsion hızmetiniñ idaresi Hersonda yerleşe.

Rusiye tarafından Qırımnıñ işğalinden soñ 2014 senesi mart ayında qıtaiy Ukraina ve yarımada arasında memuriy, aqiqatta – kerçek sıñır peyda oldı. Qırım işğal etilgen torpaq olaraq ilân etilgen.

XS
SM
MD
LG