Link açıqlığı

Saatnıñ esas haberi

Yolcular eki kün devamında Qırımdan Permge uçıp olamaylar


Qırımdan iyül 2-de uçacaq olğan Aqmescit-Perm ava seferiniñ yolcuları alâ daa yarımadada bulunalar.

Seferniñ keç qalmasını «Perm» Halqara ava limanınıñ online-tablosı köstere. Bunıñ ile uçaqnıñ işbu marşrut boyunca yollanılmamasını Aqmescit ava limanınıñ online tablosı da tasdiqlay.

Akimiyet tarafdarı Krıminform Qırım saytına «Aqmescit» ava limanınıñ müdiri Yevgeniy Plaksin aytqanı kibi, yolcularnıñ yollanılması uçaqnıñ bozuluvı sebebinden keçirilmey.

Plaksinniñ sözlerine köre, uçaqnıñ köpçegi ile problemleri peyda oldı. «Anda er şey yerinde, adiy bir vaziyet. Uçaqnıñ köpçegi ile bazı problemler yüz berdi. Şimdi köpçekni deñiştireler, uçaq yolğa azırlanıla», – dey Plaksin.

Neşirniñ bildirgeni kibi, yolcular deyler ki, seferleri iyül 3 künü saat 20:00 qadar keçirilmeli.

«Bir 70 insannı musafirhanelerde yerleştirdiler, digerleri ava limanında gecelemege mecbur oldı», – yaza neşir.

Ava taşıyıcısı olğan «Pegas» şirketiniñ temsilcileri şimdilik bu aqta izaat bermeyler.

XS
SM
MD
LG