Avropa рarlamentiniñ prezidenti Martin Schulz Qırım işğal Ukrainanı Avropa yolunda toqtatmaz, dep tüşüne.
Bunı o iyül 3 künü Kiyevde bildirdi.
«Qırımnıñ Rusiye tarafından qanunsız işğali bizni Ukrainanı umumiy Avropa degerliklerimizniñ pekitimelsinde şerik olaraq tanılmamızda toqtatmaz», – dey Schulz.
O şunı da qayd etti ki, bunı cuma künü Avropa parlamenti ve Ukraina Yuqarı Şurası arasında fikirdeşlik memorandumınıñ imzalanuvı tasdiqlar.
Avropa parlamentiniñ prezideti cuma künü resmiy ziyareti ile Kiyevde buluna.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
