Link açıqlığı

Rusiye turistleri Qırımğa öz mahsulatı ile kele


Qırım iş adamları Rusiye turistleriniñ alçaq satın aluv qabiliyetini qayd eteler. Bazirgânlar deyler ki, bundan evel mahsulatları olduqça eyi satıla edi – Qırımnı «aşatqan» rusiyeliler şimdi fiyatlardan şaşıp, «eñ zaruriy şeylerni ala», – haber ete Qırım.Aqiqat mühbiri.

«Az alalar, er şeyden yarım kilogramm! Ailege Qırım meyvalarınıñ yarım kilogrammı ne demektir? Evel birer kilo alıp, daa özleri ile alıp kete ediler, er vaqıt Qırım şeftalisi, vişnesi istenile edi. Umumen, insanlar, fiyatlarıñız bizde olğanı kibi dep yüreler. Ya olar ne isteyler? Qırım da, kurort, mında er vaqıt paalı edi», – dey bazirgânlardan biri.

İş adamları aytqanı kibi, Rusiye turistleri Qırımda çoq para masraf etmeyip, öz mahsulatı ile kele. Bunıñ ile olardan çoqusı «yekâne bilet» boyunca kelip, yol parasını iqtisat eteler.

«Evel Qırımğa öz toñ yağı ile kelgen ukrainlerden küle edik»«, – dep yekün çeke insan.

2014 senesi aprel ayında rusiyeliler ile «canlı bağ» vaqtında Rusiye prezidenti Vladimir Putin Qırımnı fuqareler içün istiraat yeri olaraq adladı ve «qoşulğan» yarımada turistik saada Soçi içün raqip olmağanını bildirdi.

XS
SM
MD
LG