Link açıqlığı

«Çonğar – Aqmescit» avtobuslarınıñ yolcularından esabat içün şahsiy malümatnı toplaylar


Qırımda qıtaiy Ukraina ile memuriy sıñırdan yarımdanıñ meskün yerlerine yürgen avtobuslarğa alâ daa bilet satymaylar. Rusiye tarafından abadanlıştırılğan kiriş noqtalarında bilet kassaları yoq, yol parasını yolcular avtobus salonında bereler: ya da insanlarnı avtobus yanında qarşılığan «Krımavtotrans» şirketiniñ dispetçerine, gece vaqtında – aydavcığa töleyler, ya da yaqın olğan avtostantsiya kassalarında. Bunıñ ile dispetçerler pasportnı soramaylar, amma soyadını aytmağa rica eteler, – haber ete Qırım.Aqiqat mühbiri.

«Adıñıznı aytıñ, soyadıñıznı esabatqa kirsetmek kerekim», – dey dispetçer Çonğardan Aqmescitke yürgen avtobusqa oturğan yolcularğa. Yol parasını yolcular avtobusta bereler, amma biletlerni olarğa bermeyler.

İyünde Qırımda biletlerniñ pasportlar boyunca satılması başlandı, neticede yerli avtostantsiya kassalarında uzun nevbetler peyda oldı. Añlatılğanı kibi, biletlerniñ pasportlar boyunca satılması tek «uzaq yollar»ğa ya da Aqyarğa yürgen avtobuslarğa ait.

2014 senesi dekabr ayından Ukraina Qırım ile demir yol alâqasını toqtattı.

XS
SM
MD
LG