Link açıqlığı

Qırım kurort ve turizm naziri Sergey Strelbitskiy Qırmda yerli şuralarğa «kiyik» plâjlarını cıyıştıruv tertibini işlep çıqarmaq kerek olğanını bildirdi. Bunı o «Qırım Cumhuriyetinde turizm inkişafınıñ meseleleri boyunca iş gruppası»nıñ birinci toplaşuvı devamında ayttı», – haber ete Qırımnıñ Rusiye ükümetiniñ matbuat hızmeti.

«Bütün belediyeler Qırım kurort ve turizm Nazirligine «kiyik» plâjlarınıñ cıyıştıruv shemalarını taqdim etmek kerek. Bizde umumiy resim olğanda, kurort mevsiminiñ eñ faal vaqtında regionlardan angi soyları öz başına bu işni becerip olamağanı ve qayda Qırım Cumhuriyeti ükümetiniñ yardımı kerek olğanı añlaşılır», – dedi Sergey Strelbitskiy.

Evel Qırım deñiz yalısındaki şeerlerniñ yolbaşçılarına plâjlarnıñ çöplükten cıyıştıruvına bir afta bergen ediler.

XS
SM
MD
LG