Link açıqlığı

«KrımSOS» teşebbüsiniñ Lvivdeki ofisi «Yañı istiqbal» leyhası ile birlikte Qırımdan köçip kelgenlerni «Yetekçilik mektebine» qoşulmağa çağıralar. Maqsadı – şahsiy leуhаlarnıñ amelge keçirilmesinde yardım köstermektir.

«Yetekçilik mektebi – içtimaiy ceetten faal qırımlılar içün yañı imkânlardır. Leyhanı «canlandırmaq» imkânı, onı yañı şaraitlerde ğayrıdan işletmek, ya da cemiyetke kerekli olacaq yañı soynı meydanğa ketirmek imkânı», – deyler leyha teşebbüsçileri.

Leyhağa Qırımdan Lvivge köçip kelgen 18-35 yaşında insanlar davet etile, olar iyül 10-na qadar lviv@krymsos.com adresine rezüme ve istek mektübini yollamaq kerekler.

Ukraina İçtimaiy siyaset Nazirliginiñ malümatına köre, iyün 25-ne 1 million 358 biñ köçip kelgen insan qayd etilgendir.

KrımSOS – 2014 senesi fevral 27-de Rusiye Federatsiyasınıñ Qırım Muhtar Cumhuriyeti işğaliniñ başlanmasında göñülliler tarafından meydanğa ketirildi. KrımSOS Ukrainada Birleşken Milletler Teşkilâtınıñ Qaçaqlar meseleleri boyunca Yuqarı Komissarı idaresiniñ icra ortağı ola. KrımSOS Qırım ve şarqiy regionlarda mecburen köçip kelgen insanlarğa yardım ete, em de Qırımdaki vaqialar aqqında malümat bermekte.

XS
SM
MD
LG