Link açıqlığı

Saatnıñ esas haberi

Qırımda cuma kününden avtobuslarda yol fiyatlarını köterecekler


İyül 3 kününden yarımadada Krımavtotrans şirketi şeerlerara naqliyatında yol fiyatını köterecek.

Bu aqta şirketniñ matbuat hızmeti bildire.

Müessiseniñ malümatına köre, Krımavtotrans avto stantsiyaları ağlarından yol fiyatı 27% artacaqtır.

«Böyle qarar Fiyat ve tarifler boyunca devlet komiteti, Qırım Naqliyat Nazirligi ve Qırımnıñ avto taşıyıcıları Birligi arasında qabul etilgen añlaşmağa bağlı. Oña köre taşıyıcılar 2015 senesi iyül 1-den fiyatlarnı kötere bile, amma bir killometr içün 1,40 rubleden çoq olmamaq kerek», – denile matbuat hızmetiniñ beyanatında.

Mında şunı da qayl ettiler ki, bu fiyatlar deñişüviniñ birinci basamağıdır. Ekincisni 2015 senesi avgust 1-den amelge keçirecekler – bir kilometr içün yol fiyatı 1,50 rublege arttırılacaqtır.

Evel bildirilgeni kibi, Qırımnıñ rusiyeli Nazirler şurasında Fiyat ve tarifler boyunca devlet komiteti, Qırım Naqliyat Nazirligi ve Qırımnıñ avto taşıyıcıları Birligi arasında fiyatlarnıñ paalılaşuvı aqta üç taraflama añlaşma qabul etilgen edi.

XS
SM
MD
LG