Kiyevde iyül 3 künü Ukrainada Rusiye Elçihanesiniñ Konsul bölügi yanında Rusiye SİZOsında bulunğan tatar cemaat erbabı ve uquq qoruyıcı Rafis Kaşapovğa qol tutuv numayışnı keçirmege planlaştıralar.
Faaller cuma künü saat 13:00-14:00 saatleri arasında konsullıq yanında numayışnı keçirmek niyetindeler.
Rafis Kaşapov – Rusiye Federatsiyasınıñ cumhuriyeti sayılğan Tataristanda azatlıq areketiniñ yetekçisidir. Faaliyeti devamında onı ep Rusiye akimiyeti taqip ete edi, türmege qapala, ruhiy hastaları içün klinikalarda tutıla edi.
Tatar faalleri Nafis ve Rafis Rusiye istilâsınıñ başlanması ile Ukrainağa qol tuta ve Qırım işğaline qarşı çıqa ediler. Türk halqları yaşağan memleketlerde birdemlik aktsiyalarını keçire ediler.
Rafis Kaşapovnıñ tuvğanlarnı onıñ siyasiy mabüs olğanını qayd eteler.
