Qırımda Aqmescitniñ Kiyev rayon mahkemesi qapar berüvi vaqtında yaqalanğan Qırım Federal bergi hızmeti idaresiniñ başı Nikolay Koçanovğa ev apisnii belgiledi. Qırım Taqiqat komiteti apisniñ eki ayğa uzattırılmasını talap etti, dep bildire Krıminform saytı.
Qırımnıñ rusiyeli prokuraturasında deyler ki, mahkeme iyül 2 künü taqiqatçınıñ ceza aqqında şefaatını qabul etti.
«Ceza qararını belgilegende, mahkeme tedaviylevde bulunğan şahısnıñ sağlığını köz ögüne aldı», – deyler prokuraturada.
Taqiqatnıñ malümatına köre, bergi hızmetiniñ müdiri şirkette cinayet alâmetleriniñ saqlanılması içün uquq qoruyıcığa 300 biñ ruble miqdarında qapar berdi.
Koçanovnı iyün 29 künü FSB hadimleri qapar berüvi sebebinden yaqaladılar.
Bundan evel FSB hadimleri Qırımnıñ rusiyeli ükümetiniñ sanayi siyasetiniñ naziri Andrey Skrıpnikni yaqaladılar.
