Aqyar akimiyeti Karantin yılğası rayonında çığ tüşmesiniñ telükesi olğandan sebep raatlanıcılarnıñ sağlıq ve ayatları içün qasevet çekeler.
Bu aqta Aqyar rusiyeli ükümetiniñ saytında aytıla.
Fevqulâde işler nazirligi idaresiniñ temsilcileri ile keçirilgen toplaşuvlardan birinde iyün 26 künü Karantin yılğası rayonında devamlı sağanaqlar neticesinde çığnıñ tüşmes aqta hatırlattılar. Aqyarnıñ Lenin rayonı departamentiniñ müdiri aytqanı kibi, işbu yerde raatlanıcı ve şeer sakinleri musaadesiz yuvunğanından sebep «olarnıñ ayat ve sağlığına telüke bar».
İyünde Qırımda küçlü yağmurlar yağdı, yarımada şimalinde azbar ve evlerni suv basqan edi. Aqmescitte zarar büyük oldı, insanlar maşinalarından suvnı qopqalar ile alıp tökmege mecbur oldı.
