Link açıqlığı

Saatnıñ esas haberi

Rusiye Qırımda «Alıye parusa» bala kinofestivalini keçirecek


Qırımda iyül 1-11 künleri «Alıye parusa» bala kinofestivali keçirilecek. Bu aqta Qırımnıñ rusiyeli akimiyetiniñ matbuat hızmeti bildirdi.

Memurlarnıñ bildirgenine köre, kino festivali adet üzre «Artek» bala merkezinde keçirile, amma bu sene o Kezlevde «Solneçnaya Tavrika» şirketiniñ bazasında «Luçistıy» bala lagerinde ve Saki şeeriniñ «Kosmonavt Titov adına «Zvözdnıy» lagerinde keçecek.

«Solneçnaya Tavrika»nıñ baş müdiri Lüdmila Yermakova aytqanı kibi, «bu kibi tedbirniñ keçirilmesi şirketniñ doğru areket etmesini köstere ve turistik pıtağınıñ inkişafına yol berecektir».

Festival Rusiye Medeniyet Nazirligi, Moskva vilâyetiniñ Medeniyet Nazirligi, Moskva ükümeti, Rusiye kinematografistleri birligi, Qırımnıñ İçki siyaset ve bağ Nazirligi ve diger devlet ve cemaat teşkilâtlarınıñ yardımı ile keçirile.

Kinofestivalde Rusiye aktörları ve medeniyet erbaplarınıñ iştiraki beklenile: Vsevolod Şilovskiy, Aleksandr Domogarov, Natalya Gvozdikova, Marina Yakovleva, Vladimir Grammatikov, Sergey Batalov, Nonna Grişayeva, Nikas Safronov, Yuriy Rozum, Andrey Sokolov, Sergey Jigunov, Mark Tişman, Aleksandr Nosik, Marat Başarov, Aleksey Çadov, Öleg Gazmanov, İgor Vernik, Sergey Garmaş, Vladimir Menşov.

XS
SM
MD
LG