Link açıqlığı

Aqyar ve Rusiye Stavropol diyarınıñ prokuratura veteranları iyül 1-den işbirlik aqqında añlaşmanı imzaladılar. Aqyar rusiyeli prokuraturasınıñ matbuat hızmetinde bildirilgeni kibi, tedbir şeer prokurorı İgor Şevçenko iştiraki ile keçti.

«Prokuraturanıñ veteran ve nefaqacılarınıñ umumrusiye cemaat teşkilâtınıñ Aqyar ve Stavropol regional bölükleri arasında añlaşma Aqyar ve Stavropol diyarında teşkilâtnıñ regional bölükleriniñ şura reisleri Anatoliy Şenberg ve Aleksey Selükov tarafından imzalanıldı. Körüşüvde teşkilâtnıñ Qırım regional bölügi şurasınıñ reisi Gennadiy Kolosov da bulundı», – denile beyanatta.

İşbu vesiqa «prokuratura organlarında veteran areketiniñ inkişafına, prokuratura veteranları tecribesiniñ qanuniyet bozuluvlarına qarşı qullanılmasına ve prokuratura hadimleriniñ yañı nesiliniñ terbiyelevine yol berecektir».

Bildirilgeni kibi, körüşüv devamında Stavropol diyarında teşkilâtnıñ regional bölüginiñ şura reisi Aleksey Selükov veteranlarnı yaşlar ile işke celp etüv ameliyatı aqqında tarif etti.

XS
SM
MD
LG