Link açıqlığı

Kiyevde iyül 14-15 künleri Ukraina tamır halqlarınıñ aqlarınıñ qanuniy teminlevi boyunca seminar keçirilecek. Şu cümleden, söz qırımtatarlarnıñ statusı aqqında qanun leyhası aqqında kete.

Bu aqta Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ matbuat hızmeti bildire.

Müessiseniñ malümatına köre, tedbir BMT yardımı ile keçecek ,mesleatlarda tamır halqlarınıñ meseleleri boyunca Avropa ekspertleri ve mütehassısları iştirak etecek. Bunıñ ile OSCE temsilciyeri, Ukraina Yuqarı Şurasınıñ insan aqları boyunca vekâletlisiniñ ve ukrain parlamenti apparatınıñ temsilcileri qoşulacaq.

«Seminar iştirakçileriniñ çoqusı – qanun leyhasınıñ işlep çıqarılması boyunca iş gruppasına kirgen ukrain eskpertleridir. Olarnıñ arasında: Natalya Belitser, Yuliya Tişçenko, İgor Semivolos, Ukraina adliye naziri Sergey Petuhov», – deyler matbuat hızmetinde.

Bildirilgeni kibi, işbu seminar – Ukraina parlamentine kirsetilecek qanun leyhalarınıñ soñ azırlıq derecesidir.

Ukraina Yuqarı Şurası mart 20 künü 2014 senesi qırımtatar halqınıñ statusını tamır halqı olaraq tanıdı ve BMT tamır halqlarınıñ aqları Beyannamesine qoşuldı.

XS
SM
MD
LG