Aqmescitniñ rayonlarara tabiat qoruvı boyunca prokuratura Aluştada Qara deñiz yalısınıñ qullanuv qanuniyetini teşkerdi, neticede bir sıra obyektni yıqmağa qarar çıqardı. Şu cümleden, Quru Özende yedi qavehane yıqıldı.
Bu aqta Qırım prokuraturasınıñ matbuat hızmeti bildire.
«Qayd etilgeni kibi, Quru Özen, Tuvaq ve Küçük Özende deñiz yalısında qanunsız sürette qurulğan binalar bar», – denile beyanatta.
İşbu obyektlerniñ yıqıluvı aqqında diger menbalardan malümat yoq, qavehane saiplerinden de izaat kelmedi.
Qırım prokuraturasında deyler ki, iyülde Aluştanıñ Tuvaq ve Küçük Özen köylerinde 12 obyektniñ yıqıluvı planlaştırıla.
